بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں ھپت نومبر ءِ شپ ءِ ادار دہ ءَ واشک ءِ ھند دالی ءَ برجائیں پولیس تانہ انگیر کرتگ ءُ پولیس کارمند دزگیر کرتگ ءُ جست ءُ پرس کرتگ بلے چہ دزگیر کنگ بوتگیں کارمنداں یک کارمندے ھم چاگردی سلکاری یا کہ مھلوک ءِ دلسیاہ کنگ ءَ ھوار نہ بوتگ۔ ھمے سوب ءَ سرمچاراں دزگیر کرتگیں کارمند یل داتگ اَنت ءُ تانہ ءَ ایریں سرکاری سلاہ ءُ موٹرسائیکل دستیگ کرتگ ءُ پولیس تانہ مانداشتگ۔
آئی گوشتگ کہ ھپت نومبرءَ سرمچاراں یک دگہ کاروائی یے ءَ واشک ءِ ھند دالی ءَ جتگیں یوپون شرکت ءِ موبائل ٹاور نشانگ کرتگ ءُ تباہ کرتگ۔
جارکش ءَ گوشتگ کہ بی ایل ایپ ءِ سرمچاراں ھپت نومبر ءَ یک دگہ کاروائی یے ءَ بیگاہ ءِ ادار سے ءَ جاھو ءِ ھند بگاڑی زیلگ ءَ پہ چاریگی ءَ جنگ بوتگیں یوپون شرکت ءِ موبائل ٹاور گوں مشین ءُ ساماناں تباہ کرتگ۔ سرمچارانی کاروائی ءَ پد پاکستانی پوج ءَ پہ سرمچارانی نشانگ کنگ ءَ مارٹر ءِ باز گولا آس داتگ بلے بی ایل ایپ ءِ سرمچار پہ سلامتی درکپتگ ءُ وتی بندراں شتگ اَنت۔
آئی ءَ گوشتگ چوش کہ سرمچار بلوچ راج ءُ آجوئی زرمبشت ءِ بگیری ءَ پاکستانی پوج ءِ چاریگی نزام ءِ دارگ ءَ آئی رھوتی نزام ءَ نشاگ کنگ ءَ اَنت پرچا کہ پاکستانی ریاست جتائیں ایجنسیانی سر ءَ بلوچ سرمچاران ءُ بلوچ مھلوک ءِ پوناں ٹریس کنگ ءِ جھد ءَ کنت دانکہ بلوچ چکچینی ءِ میارباریں کاروائیاں سوبمند کرت بہ کنت۔ چہ ھمے سوب ءَ بلوچستان ءِ کوھی دمگاں ھم رھوتی نزام جوڑ کنگ ءَ اِنت۔ بلوچ سرمچار پاکستان ءِ ھمک گامگیج ءَ شریں وڑے ءَ سرپد اَنت ءُ ھمک شوربندی ءَ بے سوب کرت کن اَنت کہ آئی مول بلوچ چکچینی ءِ تہ ءَ ترندی آرگ ءُ بلوچ آجوئی زرمبشت ءَ تاوان دیگ اِنت۔
میجر گھرام بلوچ ءَ واشک ءُ جاھو ءَ سے جتائیں کاروائیانی زمہ واری من اِتگ ءُ گوشتگ کہ ھمے کول ءَ کن ایں کہ داں بلوچستان ءِ آجوئی ءَ زورگریں دژمن ءِ بگیری ءَ مئے کاروائی گوں مھکمی ءَ برجاہ بنت۔
