لسبیلہ: چہ ھب چوکی ءَ پجار نہ بیتگیں سلاہ بندیں مردماں ورنایے آوار جتگ ءُ برتگ۔
بنشون ءِ رد ءَ بیگواھیں ورنا ءِ نام مارو بلوچ ء پنڈوک اِنت کہ آ کولواہ ءِ جاہ منند اِنت۔ مارو بلوچ مرچی بیگاہ ءَ چہ ھب چوکی ءِ ھند دارو ھوٹل ءَ گوں دگہ سنگتے ءَ موٹرسائیکل ءِ سر ءَ دیم پہ گس ءَ روگ ءَ بیتگ کہ چہ داروھوٹل کئور ءَ سلاہ بندیں مردماں گاڑی ءِ سر ءَ ٹکر جتگ ءُ دور داتگ پد ءَ آوار جتگ ءُ بیگواہ کرتگ۔
آئی آوارجنی ءِ سوب انگت زانگ نہ بیتگ۔
چوش کہ چہ ھب چوکی ءَ پیش ءَ ھم بازیں مردم پاکستانی پوج ءُ آئی جوڑ کرتگیں چیریں ادارھانی دست ءَ آوار جنگ ءُ بیگواہ کنگ بیتگ اَنت۔
