بلوچ یکجھتی کمیٹی ءِ جارکش ءَ وتی شنگ کرتگیں درشانے ءَ گوشتگ کہ 31 سالی ئیں نجیب اللہ ء لال بکش کیچ ءِ ھند میری کلگ ءِ جاھمنند اِنت ءُ یک سرکاری وانگجاھے ءَ کار ءَ بوتگ۔ آ 30 اکتوبر 2025 ءَ زورگریں پاکستانی پوج ءِ جوڑ کرتگیں کشندہ ٹولی ءِ کارمنداں تیرگواری کرتگ ءُ کشتگ۔
آئی گوشتگ کہ اے ویل 30 اکتوبر ءِ سھب ءِ ھپت ءُ پانزدہ ءَمیری دگ ءَ مھران شاپ ءِ نزیک ءَ بوتگ کہ اسپیت رنگیں ٹویوٹا کرولا گاڑی ءَ سواریں سلاہ بندیں مردماں نجیب اللہ ءِ سر ءَ تیرگواری کرتگ۔
جارکش ءَ گوشتگ کہ نجیب اللہ ءِ کوش بلوچستان ءَ ریاست ءِ پلہ مرزی کنوکیں ٹولیانی کمک ءَ درکانودی کوش ءُناشریانی درچ ءَ پیش دار ایت ۔ اے وڑیں ویلاں لس شھریاں ترس آماچ کنت ءُ سسائی جوزگ ءَ تاوان دنت۔
آئی گوشتگ کہ بلوچستان ءَ انسانی ھکانی بگیری برجاہ اِنت ءُ ایشی سر ءَ میان استمانی تک ءَ زوت دلگوش دیگ لوٹ ایت۔
