بلوچ نیشنل مومنٹ ( بی این ایم ) ءِ نیمگ ءَ شنگ بیتگیں جارے ءَ گوشگ بیتگ کہ بی این ایم بلوچ شھیدانی سالروچ ءِ درگت ءَ برتانیہ ءَ مراگشے برجم دارایت۔
آئی ءَ گوشتگ کہ بی این ایم ءِ درسیں باسک، دوازدہ ءُ برتانیہ ءَ جاہ منندیں بلوچانی گون ءَ لوٹ کن ایں کہ آ 13 نومبر 2025 ءَ بلوچ شھیدانی سالروچ ءِ مراگش ءَ بھر بزور اَنت۔ ما ھواری ءَ ھما نہ ترسیں شھیداں ستک شانی ندر کن ایں کہ آیاں پہ وتی راجی آجوئی ءُ شرپ ءَ جھد کرتگ ءُ وتی جانانی دیمونی داتگ۔
جار ءَ گوشگ بیتگ کہ اے مراگش 13 نومبر 2025 ءِ نیمروچ ءَ دوازدہ ءَ داں بیگاہ ءِ چار ءَ پیٹربرو ءَ برجم دارگ بیت۔
آئی ءَ گوشتگ کہ بیا اِنت ما پہ وتی شھیدانی یات ءَ یکجاہ بہ این ءُ گوں آیانی مول ءَ ھمگرنچ بوگ ءِ کول ءَ کن ایں کہ مئے شھیداں وتی جانانی دیمونی داتگ۔
