سندھین نیشنل اسٹوڈنٹس پیڈریشن (SNSF) ءِ سروک گنی امان چانڈیو پاکستانی پوج ء چہ کراچی ءَ آوار جنگ ءَ پد بیگواہ کرتگ۔
بنشون ءِ رد ءَ گنی امان 28 اکتوبر ءِ بیگاہ ءَ چہ کراچی ءَ تارک دگ ءَ میمونہ نادراھجاہءَ ھما وھد ءَ آوار جنگ بیتگ کہ آ گوں وتی کھول ءَ نادراھجاہ ءَ بیتگ۔ پاکستانی چیریں ادارھانی کارمند نادراھجاہ ءَ پترتگ اَنت ءُ آدگہ مردم بیھار داتگ ءُ ترسینتگ اَنت ءُ امان گنی آوار جنگ ءَ پد گوں وت برتگ۔
انچوش گوشگ بوگ ءَ اِنت کہ چیریں ادارھانی کارمنداں گنی امان ءِ آوار جنگءِ میانءَ آئی برات سپی امان ءُ آئی گھار سندھو امان ءُ آدگہ سیادانی موبائل ھم پل اتگ اَنت ءُ گنی امان آزار دیگ ءَ پد آئی چم بستگ اَنت ءُ گوں وت برتگ۔
گنی امان ءِ زوریں بیگواھی سندی انسانی ھکانی ادارھاں ھوار بلوچ گل ءُ آدگہ ادارھاں ھم ایر جتگ۔
