بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 25 اکتوبر ءِ بیگاہ ءِ ادار شش ءَ کیچ ءِ ھند ککن تُربَت ءَ زورگریں پاکستانی پوج ءِ یک چوکی یے ءِ سر ءَ گوں راکٹ لانچر ءُ آدگہ ٹوھیں سلاھاں اُرش کرتگ۔ اُرش ءِ آسر ءَ پاکستانی پوج ءَ جانی ءُ مالی تاوان بوتگ۔
آئی گوشتگ کہ بی ایل ایپ ءِ سرمچاراں 25 اکتوبر ءِ شپ ءَ تُربَت سنگانی سر ءَ گل ءِ چیریں بھرگ ءِ ھال دیگ ءِ پژدر ءَ کاروائی کرتگ ءُ ایم آئی ءِ چیردستی ءَ کار کنوکیں کشندہ ٹولی ءِ کارمند اکرم مراد زامرانی ءُ آئی سنگت شئے مرید تیرگواری کرتگ ءُ کشتگ اَنت۔
جارکش ءَ گوشتگ کہ شئے مرید پیش ءَ سمیر سبزل ءِ ٹولی ءَ ھوار بوتگ۔ اے ٹولی ایم آئی ءِ چیردستی ءَ کیچ ءِ جتائیں ھنداں بلوچ ورنایانی شھیدی، آوارجنگ، لٹ ءُ پُل ءُ منشیات ءِ باپاری ءِ وڑیں میارباریاں ھوار اِنت۔ ھمے ٹولی ءِ کارمنداں 2020 ءَ تُربَت ءِ ھند ڈنُک ءَ بلوچ شیرزال ملک ناز شھید کرتگ اَت۔
آئی گوشتگ کہ انوں تمپ ءِ ھند نزرآباد ءَ بلوچ جنینانی روانک ءِ سر ءَ تیرگواری، باز بلوچ ورنایانی شھیدی ءُ زوریں بیگواھیاں اکرم مراد ءُ شئے مرید ھوار بوتگ اَنت۔ آیانی ھمے میارانی بنیاد ءَ گل ءِ سرمچاراں دوشی نشانگ کرتگ ءُ کشتگ ءُ آیانی سرکاری سلاہ دستیگ کرتگ اَنت۔
میجر گھرام بلوچ ءَ ککن ءَ پاکستانی پوج ءِ سر ءَ اُرش ءُ سنگانی سر ءَ کشندہ ٹولی ءِ کارمندانی کوش ءِ زمہ واری من اِتگ ءُ گوشتگ کہ پاکستانی پوج ءُ آئی کمکارانی نشانگ کنگ ءِ کول ءَ کن ایں۔
