کیچ: پاکستانی پوج ءَ تربت ءَ شھید میجر مکتار پنام استاد نور ءِ گس ءَ بیڑ برتگ ءُ گس پروشتگ اَنت۔
زرمبش جھگیر ءِ رد ءَ پاکستانی پوج ءَ دوشی تربت شھر ءَ گلشن آباد ءَ تالیمی چاراہ ءَ شھید استاد نور ءِ کھول ءِ گس ءَ بیڑ برتگ ءُ گس پروشتگ اَنت ءُ پٹ ءُ پول کرتگ۔ کھول ساڑی نہ بیتگ پوج ءَ آئی گھار ءُ مردمانی بابت ءَ جست گپتگ۔
اھوالکار ءِ رد ءَ شھید میجر مکتار پنام استاد نور تمپ ءِ میتگ ملک آباد ءِ جاہ منند اِنت کہ دیر چہ پوج ءِ زوراکیانی سوب ءَ آئی کھول ءَ لڈ ءُ بار کرتگ ءُ تربت شھر ءَ اتکگ اَنت۔
چوش کہ شھید میجر مکتار بلوچ پنام استاد نور بی ایل ایپ ءِ کماندارے بوتگ کہ ھپت دسمبر 2020 ءَ گوں شھید ساجد بلوچ پنام آسمی بلوچ ءُ شھید ازیز بلوچ پنام چاکر ءَ ھوار شھید بیتگ اَت۔
