کابل: اوگانستان ءِ تالبان سرکارءِ جارکش زبی اللہ مجاھد ءَ پریس کانپرنس کرتگ ءُ گوشتگ کہ پاکستان ءِ نیمگ ءَ اوگانستان ءِ سر ءَ ارش ءِ پسہ ءَ کاروائی کرتگ ءُ پاکستان ءِ 58 پوجی کشتگ ءُ 30 ٹپی کرتگ۔
آئی ءَ گوشتگ کہ پسھی کاروائی ءِ میان ءَ پاکستان ءِ بیست چوکی دستیگ کرتگ ءُ جنگ ءِ ھلاسی ءَ پد واتر بیتگ ایں۔
زبی اللہ مجاھد ءَ گوشتگ کہ داھش ءِ سروک پاکستان ءَ اِنت ءُ اے گل اے وھد ءَ پاکستان ءِ اِستان ھیبرپکتوانواہ ءُ بلوچستان ءَ کار ءَ اِنت۔
آئی ءَ گوشتگ کہ اوگانستان ءَ داھش ھلاس کرتگ، نوں آئی ھیلکاری بنجاہ پاکستان اِنت۔ میان استمان ءَ ایشی بابت ءَ دلگوش گور کنگ لوٹ ایت۔
زبی اللہ مجاھد ءَ گوشتگ کہ اوگانستان ءَ بیتگیں ارشاں داھش ھوار اِنت آ چہ پاکستان ءَ پیداک اَنت۔
اے بابت ءَ پاکستان ءِ تھی کارانی وزیر مھسن نکوی ءِ گوشگ اِنت کہ دوشی چہ اوگانستان ءِ نیمگ ءَ بیتگیں ارشانی گوں ترندی ءَ پسو ءَ دے ایں۔
