اسلام آباد: کائد آزم یونیورسٹی ءَ چہ بلوچ بلوچ کونسل آباد ءِ نیمگ ءَ کینگداری، زوریں بیگواھی ءُ بلوچستان ءَ زور بیگواھیں مردمانی یل نہ کنگ ءِ بگیری ءَ پنچ روچ انت زھرشانی برجاہ انت۔
بلوچ نودربر کونسل اسلام آباد ءِ رد ءَ اے زھرشانی ءِ مول زوریں بیگواھی ءُ بلوچ نودربرانی نشانگ کنگ ءِ بگیری ءَ توارچست کنگ انت ۔
آیاں گوشتگ اے پرایمنیں زھرشانی نندانک ءِ رد ءَ ما گوشگ لوٹ ایں کہ اگاں مئے لوٹ منگ نہ بوت اَنت گڑا ما وتی زرمبشت ءَ گیش کن ایں، ایشی آسر شر نہ بیت۔
بلوچ نودربرانی گوشگ اِنت کہ ھور ءُ یکشلیں جنجالاں ابید ما وتی لوٹانی سر ءَ اوشتاتگ ایں۔ چونیں ھم جنجال یا زوراکی مئے توکل ءَ پروشت دات نہ کنت۔ ما یک گامے ھم پشت ءَ نہ کنز ایں۔ پرچا کہ گپ وھدے پجار ءِ بہ بیت گڑا یکیں راہ پہ گھگیری پش کپ ایت۔
بلوچ کونسل ءَ گوں یونیورسٹی ءِ انتزامیہ ءُ سرکاری ادارھاں لوٹ کرتگ کہ آ مئے لوٹانی سر ءَ دلگوش گور بہ کنت ءُ بلوچ نودربرانی انسانی ھکانی بگیری ءَ دلگوش گور بہ کن اِت ۔
