بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں آواران ءِ ھند جاو ءَ زورگریں دژمنیں لشکر ءِ بنجل ءِ سر ءَ اُرش کُرتگ، اُرش ءَ دو کارمند مُرتگ ءُ سرمچارانی اُرش ءَ یک ڈرون کیمرھے ھم نشانگ کنگ بیتگ۔
آئی ءَ گوشتگ کہ دو شمبے ءِ بیگاہ ءِ شش ءُ نیم ءَ سرمچاراں جھل جاو ءِ تھسیل کیمپ ءَ برجاھیں زورگریں پاکستانی لشکر ءِ بنجل گوں نوک ءُ ٹوھیں سلاھاں نشانگ کُرتگ۔ اُرش داں دیر ءَ برجاہ بیتگ۔اے اُرش ءَ دژمن ءِ دو کارمند مُرتگ ءُ یکے ٹپی بیتگ ءُ اُرش ءِ میان ءَ دژمن ءِ یک ڈرون ئِے ھم نشانگ کنگ بیتگ۔
جارکش ءَ گوشتگ کہ سرمچارانی لیکہ،سوھوی ءُ گوں سرڈگار ءَ آیانی مھر ءِ جوزگاں ریاست ءِ دُرسیں مشین نیست ءُ نابود کُرتگ اَنت ءُ زورگر جانی ءُ سسّائی نادراھی ءِ آماچ کُرتگ ءُ سرمچار اے سَسّائی جنگ ءَ سوبین اَنت۔دژمن وتی پروش ورگ ءِ زھراں لس مردمانی سر ءَ کَش ایت، آ روچ دور نہ اِنت کہ پروش وارتگیں ریاست چہ بلوچستان ءَ دراھگ ءَ لاچار بیت۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچ سرڈگار ءِ آجوئی ءَ زورگریں پاکستانی لشکر ءُ ریاست ءِ دُرسیں سیت مئے نشانگ ءَ اَنت۔
