بلوچستان لبریشن پرنٹ ( بی ایل ایپ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 10 اپریل ءَ دشت ءِ ھند سْیاھلو ءَ زورگریں پاکستانی لشکر ءِ نیمگ ءَ جتگیں سرویلنس کیمرہ، سولر سسٹم ءُ آدگہ رھوتی نزام نشانگ کرتگ ءُ تاوان داتگ اَنت۔
آئی ءَ گوشتگ کہ بیست ءُ دو اپریل ءِ شپ ءَ تُربت ءِ ھند جوسک ءَ گل ءِ سرمچاراں ترّ ءُ گرد ءَ بیتگیں پولیس ءِ گاڑی داشتگ ءُ مانداشتگ ءُ پولیس کارمنداں گاڑی یل کرتگ ءُ جستگ اَنت۔ سرمچاراں گل ءِ شوندات ءِ رد ءَ پولیس نشانگ نہ کرتگ اَنت۔
جارکش ءَ گوشتگ کہ ھمے شپ ءَ ترّ ءُ گرد ءِ میان ءَ سرمچارانی رمبے ءَ ڈی بلوچ ءَ پولیس تانہ ءِ سر ءَ اُرش کرتگ ءُ سامان تاوان داتگ اَنت۔
آئی ءَ گوشتگ کہ ھمے شپ ءَ سرمچارانی دگہ یک رمبے ترّ ءُ گرد ءِ میان ءَ تربت ءِ ھند گنہ ءَ زورگریں لشکر ءِ گون ءَ دیم پہ دیم بیتگ، ایشی آسر ءَ آیانی میڑ برجاہ بیتگ۔ میڑ ءَ دژمن ءِ بازیں لشکری کارمند ٹپی بیتگ اَنت، ایشی آسر ءَ دژمنیں لشکر پدکنز بیتگ ءُ وتی بنجل ءِ نیمگ ءَ شتگ۔
جارکش ءَ گوشتگ کہ بیست ءُ پنچ اپریل ءِ شپ ءَ یازدہ ءُ چل ءَ سرمچاراں مند سورو ءَ ایم آئی ءِ کارگس ءِ دیم ءَ ساڑی ئیں کارمند نشانگ کرتگ ءُ کشتگ اَنت ءُ چہ ایشی پد کارگس گوں مزنیں سلاھاں نشانگ کرتگ۔
آئی ءَ گوشتگ کہ بیست ءُ شش اپریل ءِ نیمروچ ءَ دوازدہ ءِ نزیک ءَ بی ایل ایپ ءِ سرمچاراں ھاران شھر ءِ میان ءَ برجاھیں پاکستانی لشکر ءِ مزنیں بنجل ءِ سر ءَ گرنیڈ لانچر ءِ باز گولا آس داتگ کہ آ نشانگ ءَ کپتگ اَنت۔
جارکش ءَ گوشتگ کہ بیست ءُ شش اپریل ءِ نیمروچ ءِ دوازدہ ءِ نزیک ءَ اسپی کھن ءُ ھمزھی ءِ میان ءَ پہ لشکری بنجل ءَ سامان بروکیں گاڑی گوں بمب ءَ نشانگ کرتگ۔ چوش کہ گاڑی ءِ واھند شپی مھمد پنام شُپک ءَ گوستگیں چنچو ماہ اِنت کڈن کنگ ءَ بیتگ ایں بلے چہ ایشی ءَ ابید آئی وتی کار یل نہ داتگ۔ مرچی پہ سرپد کنگ ءَ آئی یک گاڑی یے ءِ سر ءَ کسانیں ارشے کرتگ۔ مرچی یکبرے پد ءَ رسانکدر ءِ پارست ءَ پہ جار گوش ایں اگاں آ نوں اے کارانی بھر بوت گڑا ترندیں اُرش کن ایں۔
میجر گھرام بلوچ ءَ درشان ءِ گڈی ءَ گوشتگ کہ اے جتائیں کاروائیاں زورگریں پاکستانی لشکر ءُ پولیس ءَ جانی ءُ مالی تاوان بوتگ بلے سرمچار پہ سلامتی وتی مھکمیں بندراں سر بیتگ اَنت۔
