یوکرین ءَ روس ءِ نیمگ ءَ جتائیں ھنداں بمبگواری ءَ چار مردم مرتگ ءُ ھپتاد ٹپی بوتگ۔
یوکرین ءِ سدر ولادیمیر زیلنسکی ءَ یوکرین ءِ سر ءَ روس ءِ بمبگواری ایر جتگ ءُ گوشتگ کہ گوستگیں دوازدہ اداراں روس ءَ یوکرین ءِ سر ءَ شش سد ڈرون ءُ درزنانی کچ ءَ میزائل اُرش کرتگ کہ اُرش ءَ یوکرین ءِ ھپت دمگاں مزنیں بیکری، آٹو موبائل ءُ جتائیں شوربندی نشانگ کنگ بوتگ اَنت۔ چہ اُرشاں یوکرین ءِ بنجاھی شھر کیئو ءَ چار مردم مرتگ ءُ ھپتاد ٹپی بوتگ۔
زیلنسکی ءَ گوشتگ کہ چہ اے اُرشاں ھمے زانگ بیت کہ ماسکو جنگ ءُ کشت ءُ کوش ءَ برجاہ دارگ لوٹ ایت۔
دومی نیمگ ءَ روس ءِ گوشگ اِنت کہ آئی یوکرین ءَ پوج ءِ پلہ مرزی کنوکیں پوجی اڈہ نشانگ کرتگ اَنت۔
