نیشنل پارٹی ءِ سروک ڈاکٹرابدلمالک بلوچ ءَ بی ایس او پجار ءِ پیشیگیں سروک ءُ بی این ایم ءِ باسک ایڈوکیٹ زبیر بلوچ ءِ کھول ءِ گونءَ ھمدردی درشان کرتگ ءُ گس ءَ بیڑ برگ ،تیرگواری کنگ ءُ آئی کوش گوں ترندیں دانکاں ایر جتگ ءُ گوشتگ کہ زبیر بلوچ یک سیاسی ءُ انسانی ھکانی کارکنے بیتگ۔آئی زوریں بیگواھی ءُ درکانودی کوشانی بگیری ءَیک سیاسی کارکنے ءِ بستار ءَ توار چست کرتگ۔
ڈاکٹر ابدلمالک بلوچ ءَ گوشتگ کہ شھید چیئرمین زبیر بلوچ بی ایس او پچار ءِ پیشیگیں چیئرمین بیتگ ءُ گوں آئیءَ منی نزیکی ءُ ھال ءُ اھوال بیتگ۔ آئی نودربری سیاست ءَ مزنیں کردےپیلو کرتگ۔
آئی ءَ گوشتگ کہ شھید چیئرمین زبیر بلوچ باگی نہ بیتگ آ آمیدگس ءَ ھوار ھمک جاہ ءَ گندگ بیتگ، اگاں ادارھانی نیمگ ءَ شکی بیتگ گڑاکانود ءِ ھساب ءَ دزگیر کنگ بوت ایں۔
