بلوچ راجی رھشون ءُ بلوچستان آجوئی سنگر ( بی ایل ایپ ) ءِ سرکماش ڈاکٹر اللہ نزر ماں چاگردی رسانکدر ایکس ءَ جتائیں ٹویٹانی تہ ءَ نبشتگ کہ مئے آجوئی ءِ جنگ یک دراجکشیں جنگے، پہ دُژمن ءَ مئے کلوہ ھمیش اِنت کہ ما بے میارانی ھون ءِ بیر ءَ گریں بلے مئے بیر آجوئی اِنت۔
آئی ءَ گوشتگ کہ ما میان استمانی اسیبلشمنٹ ءَ گوشگ لوٹ ایں کہ مردمی ھکانی نام ءَ اے دوپوستیں کرد میان استمانی ادارھانی سلامتی ءَ شکی کنت۔
بلوچ رھشون ءَ گوشتگ کہ پاکستان ءَ کجام دابیں جنگی میارباری کرتگ اے میان استمانی توانمنداں منّگ لوٹ ایت ءُ ایشی ءَ ایر بہ جن اَنت کہ آئی کِر ءَ مچی مانش، کشت ءُ کوش ءِ شوندات، سیاسی زوراکی ءِ نارائیں منانک ھست، آ گوں ترندی ءَ برجاہ اَنت۔
ڈاکٹر اللہ نزر ءَ دیمتر ءَ گوشتگ کہ زورگریں لشکر ءَ وتی بیسہ پروشتگ،گوستانک مارا دراجکشیں جنگانی بارو ءَ گوش ایت ھما مدام سوبمندی ءِ سوب بوتگ اَنت۔ ریاستی پلہ مرزیں لشکر ءَ آشوبیانی پسو دیگ ءِ دگہ ھمت نیست۔ ما چہ وتی راج ءِ کمک ءَ وتی آجوئی ءَ پد ءَ گریں۔
