نیشنل ڈیموکریٹک پارٹی ءَ وتی شنگ کرتگیں درشانے ءَ گوشتگ کہ میران شاہ ءَ ایمنیں جھد ءِ میان ءَ پشتون سروک مھسن داوڑ ءُ سنگتانی سر ءَ لشکر ءِ نیمگ ءَ تیرگواری کنگ بوتگ کہ تیرگواری ءِ آسر ءَ پشتون سروک مھسن داوڑ ٹپی بوتگ ءُ آئی سے ھمبل شھید بوتگ۔ ما اے کار ءَ ریاستی ناشرکاری لیک ایں ءُ گوں ترندیں دانکاں ایر جن ایں۔
آئی گوشتگ کہ اے ریاست ءِ چہ بنداتی روچاں بے ترس ءَ ھکی ئیں راجدوستی ءِ سیاست ءَ ریاستی ادارھانی در ٹک اِتگ۔ وھدے کہ اے راجدوستاں ادارھانی دلیگانی کنگ ءُ زوراکی ءِ شونداتانی بگیری ءَ جھد کرتگ گڑا لشکر ءِ نیمگ ءَ اُرش کنگ بوتگ یا گوں جتائیں ھیلھاں آیانی دارگ ءِ جھد کرتگ۔
آئی ءَ گوشتگ کہ ما سرپد بہ ایں اے دمگ ءِ تہ ءَ درسیں نزور ءُ ایردستیں راجاں ھواریں جیڑہ ءِ سر ءَ ھواری ءَ جھد کنگ لوٹ ایت۔
