اسلا آباد ءَ پہ بلوچ یکجھتی کمیٹی ءِ سروک ءُ زور بیگواھیں مردمانی آجوئی ءَ برجاھیں زھرشانی نندانک ءَ ھپتاد ءُ یک روچ سرجم بیتگ۔
مرچی ھیومن رائٹس کمیشن آپ پاکستان ءِ چیئرپرسن منیزہ جھانگیر، اپراسیاب خٹک، پرھت اللہ بابر ، سادیہ بکاری ءُ آدگہ مردم پہ کھولانی ھمدردی درشان کنگ ءَ نندانکءَاتکگ اَنت۔
آیاں گوں کھولاں لوٹ کرتگ ءُ گوشتگ کہ شما اے نندانک ءَ ھلاس بہ کن اِت ءُ پہ وتی جھد ءَ دگہ نوکیں دروشمے ءَ دیم ءَ برگ ءِ بابت ءَ بہ جیڑ ات۔ اے جھد ءِ ھلاسی گوشگ نہ بیت بلکیں پہ انساپ ءِ جھد ءَ نوکیں بنگیجے بیت۔
آیانی گوشگ اِنت کہ اے زھرشانی ءَ ھپتاد ءُ یک روچ سرجم بیتگ کہ اد ءَ پیرزالیں مات، کسانیں زھگ بنجاھی شھر ءِ دگانی سر ءَ نشتگ اَنت بلے ریاست ءَ وت ءَ کُنگ ءُ کر کرتگ ۔
اے بابت ءَ زھرشانی ءَ نشتگیں مردمانی گوشگ اِنت کہ ما وت ما وت سلاہ کن ایں چہ ایشی ءَ پد وتی آھوکیں گامگیج ءِ بابتءَ شماراسرپد کن ایں۔
آیاں گوں اے جھد ءَ کمک کنگ ءِ منت گپتگ ءُ گوشتگ کہ گوں ھمے اوست ءَ ما اے جھد ءَ یکشل ءَ دیم ءَ برایں۔
