بلوچ یکجھتی کمیٹی ءِ نیمگ ءَ شنگ بوتگیں جارے ءَ گوشگ بوتگ کہ بلوچ چکچینی ءِ بگیری ءَ روانک ءِ سیمی پیز ءَ تیوگیں ڈیھ ءَ زھرشانی برجاہ اَنت۔
آئی ءَ گوشتگ کہ ھمے زھرشانیانی رد ءَ باند ءَ چارشمبے 10 جنوری ءَ بارکان، تونسہ ءُ کوھلو ءَ زھرشانی کنگ بیت۔
جار ءَ گوشگ بوتگ کہ بارکان ءَ ھتم نبوت چاراہ ءَ روچ ءِ دوازدہ، تونسہ ءِ کلم چاراہ ءَ روچ ءِ یک ءُ کوھلو ءَ بینک چارہ ءَ سھب ءِ دہ ءُ نیم ءَ زھرشانی کنگ بیت۔
آئی ءَ گوشتگ کہ ما گوں شھزانتیں مردماں ھمے اوست ءَ دار ایں کہ اے زھرشانیاں شریں وڑے ءَ سوبمند کن اَنت۔ بلوچ چکچینی ءِ بگیری ءَ برجاھیں زرمبشت مئے ءُ شمئے درسانی پہ پدریچ ءَ اِنت۔ ایشی سوبمندی گوں درسیں نزوریں راجانی سوبمندی ءَ بندوک اِنت۔
