بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند ھیرونک ءَ زورگریں دژمنیں لشکر ءِ بنجل نشانگ کُرتگ ءُ جانی ءُ مالی تاوان داتگ۔
آئی ءَ گوشتگ کہ بی ایل ایپ ءِ سرمچاراں 20 جنوری ءَ شمبے ءِ شپ ءِ یازدہ ءُ چِل ءُ پنچ ءَ ھیرونک ءَ برجاھیں زورگریں پاکستانی لشکر ءِ بنجل ءِ سر ءَ اُرش کُرتگ۔ اُرش ءَ دژمنیں لشکر ءِ یک کارمندے مُرتگ۔
جارکش ءَ گشتگ کہ مدامی وڑ ءَ پروش وارتگیں لشکر ءَ لس آبادی ءِ سر ءَ ماٹر آس داتگ ءُ سرمچارانی رنگیری کنگ ءَ ڈرون کیمرہ بال داتگ اَنت بلے سرمچار پہ سلامتی دراھگ ءَ سوبمند بیتگ اَنت۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ دژمن ءِ بگیری ءَ مئے اُرش گوں ترندی ءَ برجاہ بنت۔
