تربت : زوربیگواھیں ابدلتیپ ء ابدلرھمان ء ِ کھول ءَ چہ تربت کلب ءَ پریس کانپرنس کرتگ ءُ گوشتگ کہ ما سرکار ءَ سے روچ ءِ وھد دئے ایں کہ اگاں ابدلتیپ آجو کنگ نہ بوت گڑا ما زھرشانی ءَ سی پیک شھدگ ءَ بند کن ایں۔
آیاں گوشتگ کہ پاکستانی پوج ءَ ابدلتیپ ءَ 13 ستمبر ءِ نیمروچ ءَ چہ نیشنل بینک ءِ نزیک ءَ یک دکانے ءَ آوار جتگ ءُ بیگواہ کرتگ ۔ پد ءَ آئی ھچ ھال نیست کہ آ چون ءُ کج ءَ اِنت۔ چہ ایشی سوب ءَ مئے کھول جنجالانی دیمپان انت ۔
آئی کھول ءَ گوں انتزامیہ ءَ لوٹ کرتگ ءُ گوشتگ کہ ابدلتیپ ءِ آجوئی ءَ زوت دلجمی بہ دنت ۔ اگاں آ داں سے روچ ءَ آجو کنگ نہ بوت گڑا ما زھرشانی ءَ سی پیک شھدگ ءَ جدگال ڈن ءَ بند کن ایں۔
