شال: پاکستانی پوج ءُ چیریں اراداھانی کارمنداں ورنایے آوار جتگ۔
بنشون ءِ رد ءَ آوار جنگ بوتگیں ورنا ءِ نام اکیل جان انت کہ دوشی سی ٹی ڈی ءُ آدگہ اداراھانی کارمنداں چہ سبزل دگ ءَ آوار جنگ ءَ پد بیگواہ کرتگ۔
آئی زوریں بیگواھی ءِ گپ وائس پار بلوچ مسنگ پرسن ءَ راست کرتگ ءُ گوشتگ کہ کھول سبزل دگ ءَ پہ اکیل ءِ آجوئی ءَ زھرشانی ءَ نشتگ۔زھرشانی ءَ زھگ ءُ جنین ھم ھوار اَنت۔
آیاں گوں درستیں بھرگاں سیادی داروکیں مردماں لوٹ کرتگ کہ آ پہ اکیل ءِ آجوئی مئے گوں ءَ توار چست بکن اَنت۔
