چمن: شش روچ پیش چہ کلہ ابداللہ ءَ بیگواہ کنگ بیتگیں ورنا اھمد اللہ ء ھالداد ءِ لاش دزکپتگ۔
بنشون ءِ رد ءَ اھمد اللہ 6 ستمبر ءَ چہ کلہ ابدُللہ بازار ءَ آوار جنگ ءُ بیگواہ کنگ بیتگ دوشی آئی لاش کوژک ءَ دست کپتگ۔ کھول ءَ آئی کوش ءِ بگیری ءَ زھرشانی ءَ دگ بند کرتگ۔
دوشی کوژک ءَ گاڑی یے ماندارگ بیتگ ءُ لیویز کارمند گاڑی ءِ نزیک ءَ شتگ اَنت کہ چہ اود ءَ آیان ءَ گونی ءَ بندیں لاشے دزکپتگ۔ چہ پجار کارڈ ءَ زانگ بیتگ کہ اھمد اللہ ءِ لاش اِنت۔ آئی لاش پہ ھژدری چار ءُ ٹپاس ءَ نادراھجاہ ءَ برگ ءَ پد کھول ءِ دست ءَ دیگ بیتگ۔
چہ زھرشانی جاہ ءَ کھول ءَ لوٹ کرتگ کہ اھمد اللہ ءِ کشندہ دزگیر کنگ ءُ سزا دیگ بہ بنت۔
