سوراب/ چمن: جتا جتائیں ویلاں جیناں ھوار سے مردم بیران ءُ دو ٹپی بوتگ۔
بشون ءِ رد ءَ سوراب ءَ گدر ءِ نزیک ءَ دگ ویلے ءَ جنینے ءَ ھوار دو مردم بیران۔ بیران بوتگیں مردمانی لاش پہ ھژدری چار ءُ ٹپاس کنگ ءَ نادراھجاہ ءَ برگ بوتگ اَنت۔
ھمے وڑ ءَچمن ءَ رھمان کول دگ ءَ سلاہ بندیں مردمانی تیرگواری ءَ جنینے بیران بوتگ۔ بیران بوتگیں جنین ءِ لاش پہ ھژدری چار ءُ ٹپاس کنگ ءَ نادراھجاہ ءَ برگ ءَ پد کھول ءِ دست ءَ دیگ بوتگ۔ کوش ءِ سوب انگت زانگ نہ بوتگ۔
بنشون ءِ رد ءَ پیر الیزھی ءَ دو ٹولیانی میان ءَ میڑے ءَ دو مردم ٹپی بوتگ۔ ٹپی بوتگیں مردمانی نام تاھر ء گلام مھمد ءُ کاھر ء گلام مھمد اِنت کہ دوئیں برات اَنت۔ آ پہ درمان کنگ ءَ نادراھجاہ ءَ برگ ءَ پد پہ گیشیں درمان کنگ ءَ شال ءَ دیم دیگ بوتگ اَنت۔
