بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ گوشتگ کہ بی ایل ایپ ءِ سرمچاراں شال ءِ ھند دشت امر ڈھور مستونگ ءَ یک کاروائی یے ءَ مھمد ھنیپ ء ابدُلگنی جھمنند ڈاڈر دزگیر کرتگ کہ آ پاکستانی پوج ءِ پرکاریں کارمندے۔ دزگیر کرتگیں پوجی کارمند ءِ جست ءُ پرس سرجم بوتگ ءُ انوں گل وتی پیسلہ ءَ چہ آئی دزکپتگیں سامانانی سرجمیں پٹ ءُ پول ءَ پد کنت۔
آئی گوشتگ کہ بنداتی پٹ ءُ پول ءَ چہ آئی ءَ دزکپتگیں کاگداں پکائں منانک دزکپتگ کہ آ زورگریں پوج ءَ ھوار بوگ ءَ پد آ سبی بلوچستان ءَ بوتگ ءُ نوں آ مستونگ ءَ دیم دیگ بوتگ۔
میجر گھرام ءَ زورگریں پوج ءِ پرکاریں کارمند مھمد ھنیپ ء ابدُلگنی ءِ دزگیری ءِ جار جتگ ءُ گوشتگ کہ اے بابت ءَ گل چونیں پیسلہ ئے کنت چہ آئی ءَ راج ءَ رسانکدر ءَ پارست ءَ سھی کنگ بیت۔
