بلوچ لبریشن آرمی (بی ایل اے) ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مند ءَ زورگریں پاکستانی پوج ءِ کارمند نشانگ کرتگ ءُ تاوان داتگ۔ سرمچاراں شال، کلات ءُ مستونگ ءَ زورگریں پوج ءِ کمکاری ءِ ھواریں ٹرانسپورٹ شرکت سَے جتاھیں کاروائیاں نشانگ کرتگ۔
آئی گوشتگ کہ بی ایل اے ءِ سرمچاراں مرچی مند ءِ ھند کوہ پشت گیاب ءَ زورگریں پاکستانی پوج ءِ دو کارمند ھما وھد ءَ نشانگ کرتگ ءُ کشتگ کہ آ پرپٹ ءِ سر ءَ تر ءُ گرد کنگ ءَ بوتگ اَنت۔ سرمچاراں زورگریں پوج ءِ دوئیں کارمند سپاھی جمیل اھمد ءُ ازیز اللہ کشتگ ءُ آیانی سلاہ برتگ۔
آئی گوشتگ کہ بی ایل اے ءِ سرمچاراں گوستگیں شپ ءَ نوکیں سریاب تانہ گوں دستی بمب ءَ نشانگ کرتگ۔ چہ ایشی آسر ءَ پولیس ءَ جانی ءُ مالی تاوان بوتگ۔
جارکش ءَ گوشتگ کہ بی ایل اے ءِ سرمچاراں 15 اگست ءَ کلات منگچر ءِ ھند چوٹانک ءَ پاکستانی پوج ءِ پرپٹ ءُ گاڑیانی کاروان نشانگ کرتگ۔ چہ اُرش ءِ آسر ءَ پاکستانی پوج ءَ تاوان بوتگ۔
آئی گوشتگ کہ بی ایل اے ءِ سرمچاراں 13 اگست ءَ مستونگ ءِ ھند مرو کنڈ ءَ زورگریں پوج ءِ کمکاری ءَ ھواریں ٹرانسپودٹ شرکت پہ پوج ءَ راشن برگ ءُ دگہ سامان برگ ءَ ھوار بوتگ۔ چہ ایشیءَ پیش آ کڈن کنگ بوتگ۔
بی ایل اے ءِ جارکش جیھند ءَ اُرشانی زمہ واری من اتگ۔
