کراچی: پہ زور بیگواھیں مردمانی پدجنگ ءَ کراچی پریس کلب ءِ دیم ءَ برجاھیں زھرشانی نندانک ءَ بیست ءُ شش روچ سرجم بیتگ کہ انگت ءَ برجاہ اِنت۔ زھرشانی نندانک ءَ زھگ، جنین ، کماش ءُ نادرائیں مردم ساڑی بیتگ اَنت۔
زھرشانی نندانک ءَ بینرز ءُ پلے کارڈ ایر بیتگ اَنت کہ پلے کارڈانی سر ءَ پہ زور بیگواھیں مردمانی آجوئی ءَ جتا جتائیں اوگام نبشتہ بیتگ۔
زھرشانی نندانک ءَ زور بیگواھیں زاھد الی بلوچ، شیراز بلوچ ءُ سیلان بلوچ ءِ کھول ءِ ھواری ءَسرپراز بلوچ ءِ مات بی بی گلشن بلوچ نادراہ اِنت بلے انگت ءَ ساڑی بیتگ۔
زور بیگواھیں مردماں کھولاں گوں سرکار ءَ لوٹ کرتگ ءُ گوشتگ کہ مئے زھگ زوت یل کنگ بہ بنت، اگاں کسے ءِ سر ءَ چونیں بھتامے ھست گڑا آمیدگس ءَ پیش کنگ بہ بنت۔
آیانی گوشگ اِنت دانکہ مئے زور بیگواھیں زھگ آجو نہ بیتگ اَنت ما وتی زھرشانی نندانک ءَ برجاہ دار ایں۔ چوش کہ اے زھرشانی ءَ نشتگیں کھولانی آزیز ریاستی ادارھانی دست ءَ جتا جتائیں وھد آں آوار جنگ ءُ بیگواہ کنگ بیتگ اَنت۔
