ھزدار: پاکستانی پوج ءَ چہ وڈ ءَ وینے گوں مساپراں ھوار آوار جتگ ءُ برتگ۔
اھوالکار ءِ رد ءَ پاکستانی پوج ءَ ٹرانسپورٹر شپی زھری ءِ زھگ شبیر اھمد زھری گوں وین ءَ چہ وڈ، پیرہ اُمر ءَ ھما وھد ءَ آوار جتگ کہ آ چہ ھب چوکی ءَ دیم پہ زھری ءَ روگ ءَ بیتگ۔
انچوش گوشگ بوگ ءَ اِنت کہ پوج ءَ چہ وین ءَ جنین ایر کرتگ اَنت ءُ ڈرائیور ءُ چاگرد ءَ ھوار آدگہ مردم ھم برتگ اَنت۔
چہ وین ءِ گوں مساپراں برگ ءِ بگیری ءَ مردماں زھری شھر ءَ زھرشانی کرتگ ءُبسی پیک دگ ھم بند کرتگ۔
گاڑی ءِ برگ ءِ گپ بشیر اھمد ءَ راست کرتگ ءُ گوشتگ کہ مرچی سھب ءَ سَے سواری یل کنگ بوتگ ءُ ڈرائیور، کلینڈر ءُ آدگہ سواری انگت بیگواہ اَنت کہ آیانی بیگواھی ءِ بگیری ءَ زھری ٹرانسپورٹراں بازار بند کرتگ ءُ شال، کراچی ءُ مکُران ءَ روکیں سی پیک شھدگ زیرو پوائنٹ ءَ مردماں بند کرتگ ءُ زھرشانی کنگ ءَ اَنت۔
