بلوچستان آجوئی سنگر (بی ایل ایپ) ءِ جارکش میجر گھرام ءَ ماں رسانکدر ءَ وتی شنگ کُرتگیں درشانے ءَ گْوشتگ کہ سرمچاراں کیچ ءِ ھند گورکوپ ءَ زورگریں دژمنیں لشکر ءِ بنجل نشانگ کُرتگ۔
بی ایل ایپ ءِ جارکش ءَ گْوشتگ کہ آدینگ ءِ بیگاہ ءِ ھپت ءَ سرمچاراں گْورکوپ ءَ برجاھیں زورگریں پاکستانی لشکر گوں ٹوھین ءُ نوکیں سلاھاں نشانگ کُرتگ۔اُرش ءَ دژمنیں لشکر ءَ جانی ءُ مالی تاوان بیتگ۔
آئی ءَ گْوشتگ کہ سرمچار ھمک روچ گوں نوکیں جنگی کارشونیاں زورگریں دژمن ءَ نشانگ کنگ ءَ اَنت،آ روچ دور نہ اِنت کہ پروش وارتگیں پاکستانی لشکر تچگ ءَ لاچار بیت۔
میجر گھرام ءَ اے اُرش ءِ زمہ واری منّ اِتگ ءُ گْوشتگ کہ ما کول کن ایں کہ داں دُرسیں بلوچ سرڈگار ءِ آجوئی ءَ زورگریں پاکستانی لشکر ءُ ریاست ءِ درسیں سیتانی سر ءَ سرمچارانی اُرش گوں تُرندی ءَ برجاہ بنت۔
