بلوچ آجوئی لوٹوکیں سروک جاوید مینگل ءَ شھید نواب اکبر بگٹی ءِ شھیدی سالروچ ءِ درگت ءَ ماں چاگردی رسانکدر ایکس ءَ نبشتگ کہ تئی دیمونیاں بلوچ راجی زرمبشت ءَ نوکیں توانے بکش اتگ ءُ میان استمانی تک ءَ یک تچکیں پجارے داتگ۔ پہ بلوچ سرڈگار ءَ تئی دیمونی زاتی نہ اَنت بلکیں مچی زانشت ءُراجی شرپ ءِ چیدگ اَنت۔ تئی کرد ءَ اے گپ گیشتر تچک کرتگ کہ راج چہ وتی پجار ءُ آجوئی ءِ پھریزگ ءَ ھر پیمیں دیمونی دیگ ءَ چک ءُ پد نہ بنت۔
آئی ءَ گوشتگ کہ مرچی راجی سیاست ءَ تئی ھون یک لیکھی مڈی یے ءُ لٹ ءُ پل کنوکیں توانمندانی بگیری ءَ گھگیری ءِ چیدگ اَنت ءُ ایشی گوستانک ھچ پیم بے ھال کرت نہ کنت۔
