شال: ڈاکٹر ماہ رنگ بلوچ ءَ ھوار بی وائی سی ءِ سروک آمیدگس ءَ پیش کنگ ءَ پد پہ دگہ پانزدہ روچ ءِ ریمانڈ ءَ پولیس ءِ دست ءَ دیگ بیتگ اَنت۔ آمیدگس ءَ پیش کنگ ءِ وھد ءَ بازیں کچے ءَ مردم پہ آیانی چارگ ءَ آتکگ اَنت ءُ آیاں گھگیری ءِ اوگام جتگ۔
آمیدگس ءَ پیش بوگ ءِ میان ءَ ڈاکٹر ماہ رنگ بلوچ ءَ تران کرتگءُ گوشتگ کہ پاکستان سرکار بی وائی سی ءِ سروکاں پمشکا زندانی کنگ ءَ اِنت دانکہ مھلوک چہ آئی ءَ ترس آماچ بہ بیت، بلے ما ھمے گپ ءَ پیش دار ایں کہ چونیں ھم زرمبشتے پہ زندانی کنگ ءَ ھلاس نہ بیت۔
آئی ءَ گوشتگ کہ اے زرمبشت ءِ توان مھلوک اِنت ما اے زرمبشت چہ دگانی سر ءَ بندات کرتگ ءُ مرچی آمیدگس ءَ سر کرتگ۔ ما ھمےپیش داشتگ کہ اے آمیدگساں ھزارانی کچ ءَ بلوچ، پشتون، سندیانی بیگواھی ءِ کیس ھست اَنت بلے چہ آمیدگس ءِ پرمان ءَ ابید آ یل کنگ نہ بیتگ اَنت۔ ھمے آمیدگس بی وائی سی ءِ کارکنانی سر ءَ دگ ءِبند کنگ ءِ ناشرکاری کیس جنگ ءَ انت۔
چوش کہ اے وھد ء۔ اسلام آباد ءَ بی وائی سی ءِ سروکانی ناھکیں دزگیری ءُ زوریں بیگواھیانی بگیری ءَ مرچی سی ءُ ھشت روچ انت کہ زھرشانی برجاہ اِنت۔
