اسلام آباد ءَ بلوچ یکجھتی کمیٹی ءِ نیمگ ءَ برجاھیں زھرشانی نندانک ءِ سروک ڈاکٹر ماہ رنگ ءَ ماں چاگردی رسانکدر ایکس ءَ نبشتہ کرتگ کہ زور بیگواھیں مردمانی کھولانی کچ روچ پہ روچ گیش بوان اِنت۔ ریاست پہ اے زرمبشت ءِ ھلاس کنگ ءَ ناراھیں پندل سازگ ءُ زوراکی کارمرز کنگ ءَ اِنت۔
آئی ءِ گوشگ اِنت کہ ریاست ءَ اے گپ ءَ نہ زانت مئے ھمت چہ ریاست ءِ زور ءَ گیش مھکم اِنت۔ اے وڑیں پندل ءُ زوراکی مارا نزور نہ کنت بلکیں مئے زرمبشت ءَ گیش گوں مھکمی ءَ دیم ءَ بارت۔
ڈاکٹر ماہ رنگ ءَ گوشتگ کہ ما گوں تیوگیں جھان ءِ مردماں لوٹ کن ایں کہ آ بلوچ چکچینی ءِ بگیری ءَ اے جھد ءَ مئے گون ءَ کمک بہ کن اَنت۔
