واشنگٹن: امریکہ ءِ دری کارانی تک ءَ بلوچ لبریشن آرمی ءُ آئی مجید برگیڈ ناشرکارلیک اِتگ اَنت۔
امریکہ ءِ دری کارانی تک ءِگوشگ اِنت کہ مجید برگیڈ ءَبی ایل اے ءِ پیشگیں نامینگ بیتگیں ناشرکاری ٹولی ءِ لڑ ( ایس ڈی جی ٹی ) ءَ ھوار کنگ ءَ ایں۔
آئی ءَ دیمتر ءَ گوشتگ کہ بی ایل اے بازیں کاروائیاں پد 2019 ءَ ایس ڈی جی ٹی ءَ ھوار کنگ بیتگ۔ 2019 ءَ پد بی ایل اے ءُ مجید برگیڈ ءَ گیشتریں ارشانی زمہ واری زرتگ۔
آئی ءَ گوشتگ کہ 2024 ءَ بی ایل اے ءَ کراچی ءَ بالی پٹ ءُ گوادر پورٹ اتھارٹی کمپلیکس ءِ نزیک ءَ وتکش ارش کرتگ۔ 2025ءَ بی ایل اے ءَ مارچ ءَ چہ شال ءَ پشاور ءَ روکیں جاپر ایکسپریس ءِ دارگ ءِ زمہ واری من اتگ۔ ھمے ارش ءَ 31 شھری ءُ پھازداریں کارمند کشتگ ءُ سے سد ءَ گیش ٹرینءِ مساپر بندیگ کرتگ اَنت۔
امریکہ ءِ دری تک ءِ گوشگ اِنت کہ گل ءِ ناشرکار لیکگ ناشرکاری ءِ بگیری ءَ مئے جنگ ءِ مزنیں کردے ءُ پہ ناشرکاریں کارانی پلہ مرزی ءَ دارگ ءِ یک جوانیں گامگیجے۔
