بلوچستان لبریشن پرنٹ ءِ جارکش میجر گھرام بلوچ ءَ گوشتگ کہ شش ءُ ھشت اگست ءَ مشکے ءُ کولواہ ءِ جتاھیں ھنداں زورگریں پاکستانی پوج ءُ کشندہ ٹولی چار اُرشاں نشانگ کرتگ۔ چہ ایشی آسر ءَ پنچ کارمند مرتگ ءُ باز ٹپی بوتگ۔
آئی گوشتگ کہ شش اگست ءَ بی ایل ایپ ءِ سرمچاراں مشکےءِ ھند بنڈکی ءَ پاکستانی پوج ءِ چوکی سر ءَ گوں اسنائپر اُرش ءَ یک کارمندے کشتگ ءُ پوج ءِ چوکی گوں ٹوھیں سلاھاں نشانگ کرتگ۔
آئی گوشتگ کہ ھشت اگست ءَ بی ایل ایپ ءِ سرمچاراں کولواہ ءِ سئے جتاھیں ھنداں پاکستانی پوج ءُ کشندہ ٹولی ءِ سر ءَ اُرش کرتگ۔ اولی اُرش بیگاہ ءِ پنچ ءُ نیم ءِ نزیک ءَ گیشکور ءَ زورگریں پوج ءِ مزنیں بنجل ءِ سر ءَ کرتگ کہ اود ءَ سرمچاراں چہ دو نیمگ ءَ پوجءِ بنجل گوں ٹوھیں سلاھاں نشانگ کرتگ۔ اے اُرش داں نیم ادارے ءَ برجاہ بوتگ۔ دژمنیں پوج ءَ وتی بلوچ دژمنی ءِ شوربندی ءِ بنیاد ءَ میتگانی سر ءَ مارٹر ءِ گولا آس داتگ ءُ ٹوھیں سلاہ کارمرز کرتگ۔ سرمچار کاروائی ءَ پد پہ سلامتی چہ اود ءَ درکپتگ اَنت۔ دژمن ءَ اے میڑ ءَ جانی ءُ مالی تاوان بوتگ۔
جارکش ءَ گوشتگ کہ دومی اُرش ھم پنچ ءُ نیم ءِ نزیک ءَ گراڈی ءَ کنگ بوتگ۔ اود ءَ سرمچاراں زورگریں پوج ءِ بنجل ءِ سر ءَ لھتیں راکٹ ءِ گولا آس داتگ۔ اے اُرش ءَ دژمن ءِ دو کارمند مرتگ۔
آئی گوشتگ کہ سیمی میڑ کولواہ ڈنڈار ءِ ھند مادگ کلات ءَ بوتگ کہ دژمنیں پوج ءُ کشندہ ٹولی ءِ کارمنداں پیسر ءَ سرمچارانی راہ بستگ۔ اے دیم پہ دیمی ترندیں میڑ ءَ سرمچاراں گوں جنگی رپک ءُ دلیری ءَ دیم پہ دیمی کرتگ ءُ دژمن ءِ دو کارمند کشتگ۔ سرمچاراں دژمن ءِ انگر ءَ کپتگیں وتی سنگت کش اتگ اَنت ءُ پہ سلامتی وتی بندراں سر بوتگ اَنت۔
میجر گھرام ءَ مشکے ءُ کولواہ ءَ دژمن ءِ سر ءَ اُرشانی زمہ واری من اِتگ ءُ گوشتگ کہ داں بلوچستان ءِ آجوئی ءَ زورگریں پوج، آئی شوبندیانی ءُ پوج ءِ کمکار کشندہ ٹولی ءَ نشانگ کنگ ءِ کول ءَ کن ایں۔
