ھزدار: گوستگیں روچ ءَ چہ باگبان ءَ دزکپتگیں لاش ءِ چارگ ءَ مردماں پاکستانی پوج نادراھجاہ ءَ روگ ءَ نیلگ ءَ اِنت۔
زرمبش جھگیر ءِ رد ءَ اے لاش دو روچ پیش چہ باگبان، کُورک ءَ دزکپتگ اَت کہ پہ ھژدری چار ءُ ٹپاس کنگ ءَ نادراھجاہ ءَ برگ بیتگ۔ پاکستانی پوج مردماں نادراھجاہ ءَ روگ ءُ لاش ءِ چارگ ءَ نیلگ ءَ اِنت۔
چہ پوج ءِ نیمگ ءَ مردمانی نادراھجاہ ءَ لاش ءِ چارگ ءَ نیلگ ءَ ھمے گمان کنگ بوگ ءَ اِنت کہ اے بیگواھیں مردمے بیت کہ پوج مردماں دارگ ءَ اِنت۔
چہ ایشی ءَ پیش ھم ھزدار ءَ ھوار بلوچستان ءِ جتائیں ھند ءُ دمگاں پاکستانی پوج ءِ نیمگ ءَ بیگواھیں مردمانی لاشانی کپگ برجاہ بیتگ۔
