اسلام آبادءَ پہ بلوچ یکجھتی کمیٹی ءِ سروک ءُ زور بیگواھیں مردمانی آجوئی ءَ برجاھیں زھرشانی ءَ بیست ءُ چار روچ سرجم بیتگ کہ انگت ءَ برجاہ اِنت۔ زھرشانی ءَ جتائیں بھرگاں سیادی داروکیں مردم پہ ھمدردی درشان کنگ ءَ پیداک اَنت۔
زھرشانی کنوکیں مردمانی گوشگ اِنت کہ مارا بیست ءُ چار روچ اِنت ما اد ءَ زھرشانی کنگ ءَ ایں ریاست، آئی ادارہ، رسانکدر، پارلیمنٹ ءُ آمیدگس درس بے توار اَنت ءُ مئے سانمندیں کھولانی چیھانٹ داں آیاں سر بوگ ءَ نہ اَنت۔
آیانی گوشگ اِنت کہ اے بیست ءُ چار روچانی میان ءَ پہ مئے لوٹانی منگ ءَ ابید یکشل ءَ مئے زھرشانی ءِ پروشگ ءُ مئے ترس آماچ کنگ ءِ جھد کنگ بوگ ءَ اِنت۔ بلے آیاں اے گپ یاد کنگی اِنت کہ گوستانک کدی ھم زوراکاں نہ بکش ایت۔
آیانی گوشگ اِنت دانکہ مئے لوٹ منگ نہ بیتگ اَنت مئے زھرشانی برجاہ بیت۔
