مستونگ: چار سال پیش پاکستانی پوج ءِ دست ءَ بیگواہ کنگ بیتگیں سے مردم آجو بیتگ۔
آجوبیتگیں مردمانی نام زاکر اھمد سرپرہ، راشد اھمد سرپرہ ءُ جاوید اھمد سرپرہ اِنت کہ مستونگ ءِ ھند کردگاپ ءِ جاہ منند اَنت۔ سے ئیں مردم پاکستانی پوج ءَ 2021 ءَ جتائیں وھداں آوار جتگ ءُ بیگواہ کرتگ اَنت۔
آیانی زوریں بیگواھی ءِ بگیری ءَ کھولاں زھرشانی ءَ شال کراچی شھدگ داں باز روچاں بند کرتگ اَت۔
اے مردمانی آجوئی ءِگپ وائس پار بلوچ مسنگ پرسن ( وی بی ایم پی ) ءَ راست کرتگ۔
