اسلام آبادءَ بلوچ یکجھتی کمیٹی ءِ سروک ءُ زور بیگواھیں مردمانی کھولانی زھرشانی بیستمی روچ ءَ اسلام آباد پریس کلب ءِ ڈن ءَ برجاہ بوتگ۔اے گوستگیں بیستیں روچانی میان ءَ پولیس ءُ انتزامیہ ءِ زوراکی ءُ ترسینگ برجاہ بوتگ اَنت۔
زھرشانی ءَ نشتگیں مردمانی گوشگ اِنت کہ مرچی اے سی ماھین ھسن ءِ سروکی ءَ یک ٹولی یے مئے گون ءَ گند ءُ نند ءَ آتکگ ، گڑا ما پہ وتی گدان ءِ پریس کلب ءِ دیم ءَ برگ ءِ گپ جتگ ۔ بلےآئی ءَ مارا موکل نہ داتگ۔
آیاں گوشتگ کہ ما ھمے گپ ءَھیران ایں کہ ھما جاہ پہ زھرشانی کنگ ءُ گپ جنگ ءَ جوڑ کنگ بوتگ بلے مئے اود ءَ زھرشانی کنگ ءَ ھم پابندی جنگ بوتگ۔ ما راھمے گوشگ بوتگ کہ شمارا ما اد ءَ دگ بند کنگ ءُ مردمانی جنجال کنگ ءَ نیل ایں اگاں زھرشانی کن اِت گڑا سنگجانی ءَ برو اِت۔
آیانی گوشگ اِنت کہ ڈیھءِ بنجاھی شھر اسلام آباد ءَ مئے گپ گوش دارگ نہ بیت گڑا چہ اسلام آباد ءَ ڈن سنگجانی ءَ مئے توار ءَ کئے گوش دار ایت۔
