بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ گوشتگ کہ بی ایل ایپ ءِ سرمچاراں 29 جولائی ءَ زامران ءَ موبائل ٹاورءِ سر ءَ اُرش کرتگ ءُ مشین ءُ سامان تاوان داتگ اَنت۔
آئی گوشتگ کہ یک دگہ کاروائی یے ءَ گل ءِ چیریں بھرگ ءِ ھال دیگ ءِ بنیاد ءَ کاروائی کرتگ ءُ بی ایل ایپ ءِ سرمچاراں 30 جولائی ءِ شپ ءِ ادار نھ ءِ نزیک ءَ تُربَت ءِ ھند شھرک ءَ کشندہ ٹولی ءِ کارمند توھید شپیک نشانگ کرتگ ءُ کشتگ۔
آئی گوشتگ کہ توھید شپیک دژمن ءِ دیم ءَ سلاہ چگل داتگیں سنیل پنام ء درو ءِ برات اِنت۔ دوئیں
برات ھواری ءَ بلوچ ورنایانی زوربیگواھی ءُ کوش ءَ پاکستانی پوج ءِ کمکار بوتگ اَنت۔ بلوچ چکچینی ءَ ھوار بوگ ءِ سوب ءَ سرمچاراں آ نشانگ کرتگ۔
آئی گوشتگ یک اگست ءَ بی ایل ایپ ءِ سرمچاراں گل ءِ چیریں بھرگ ءِ ھال دیگ ءِ بنیاد ءَ کاروائی کرتگ ءُ کیچ ءِ بنجاھی شھر تُربَت آسکانی بازار ءَ کشندہ ٹولی ءِ کارمند شیر جان ء کچکول جھمنند کولواہ بلور کہ انوں آسکانی بازار آپسر ءَ نندوک اِنت نشانگ کرتگ۔ چہ ایشی آسر ءَ کشندہ ٹولی ءِکارمند شیر جان جاھی مرتگ ءُ آئی برات ٹپی بوتگ۔
جارکش ءِ گوشگ اِنت چوش کہ شیر جان ءَ پنچ سال اِنت کہ گوں پاکستانی پوج ءَ ھوار سرمچارانی بندرانی بگیری ءَ کاروائیاں ھوار بوتگ۔ ءُ آ تُربَت ءُ کولواہ ءَ ورناھانی پجار ءُ ایشی ءَ پد آیانی زوربیگواھی ءِ وڑیں میاراں ھوار بوتگ
جارکش ءَ گوشتگ کہ نوشکے ءَ مرچی شپ ءِ ادار ھشت ءِ نزیک ءَ دو جتاھیں کاروائی کرتگ۔ اولی کاروائی نوشکے کلی کادر آباد ءَ پولیس تانہ ءِ سر ءَ دستی بمب چگل داتگ کہ بمب ترک اِتگ۔ دومی کاروائی نوشکے ءِ بنجاھی بازار ءَ زورگریں پاکستانی پوج ءِ نیمگ ءَ مردمانی تر ءُ گرد انی چارگ ءَ جتگیں کیمرہ نشانگ کرتگ ءُ تاوان داتگ۔
میجر گھرام ءَ کیچ ءَ کشندہ ٹولی ءِ کارمندانی کوشءُ نوشکے ءَ پولیس ءِ سر ءَ بمب اُرش ءُ زامران ءَ موبائل ٹاور ءِ مشین ءِ سامانانی تاوان دیگ ءِ زمہ واری من اِتگ۔
