
بلوچ راجی آجوئی سنگر (براس) ءِ جارکش بلوچ ھان ءَ وتی شنگ کرتگیں درشانے ءَ گوشتگ کہ براس ءِ سرمچاراں زامران ءَ پاکستانی پوج ءُ راشن بروکیں گاڑیانی سر ءَ اُرش کرتگ۔
آئی گوشتگ کہ سرمچاراں 28 جولائی ءِ شپ ءَ زامران نوانو ءِ نزیک ءَ مزنیں دگ بستگ ءُ پہ زورگریں پوج ءَ راشن بروکیں گاڑی مانداشتگ ءُ تیرگواری کرتگ ءُ تباہ کرتگ اَنت۔ ڈرائیور کڈن کنگ ءَ پد یل داتگ اَنت۔
آئی گوشتگ کہ براس ءِ سرمچاراں شوربندی ءِ رد ءَ سنگر گپتگ ءُ نشتگ اَنت دومی روچ ءَ زورگریں پاکستانی پوج ءِ پرپٹ ءُ گاڑیانی کاروانے گوں تراکناکیں شورھاں نشانگ کنگ ءَ پد سنگر گپتگ ءُ اُرش کرتگ۔ سرمچاراں گوں وتکارین ءُ ٹوھیں سلاھاں تیرگواری کرتگ۔ چہ ایشی آسر ءَ پوج ءِ پنچ کارمند مرتگ باز ٹپی بوتگ۔
آئی گوشتگ کہ زامران ءَ لھتیں مردم زورگریں پاکستانی پوج ءَ راشن ءُ دگہ سامان دیگ ءَ ھوار اَنت۔ اے کارپد سرجم ءَ پوج ءِ کمکاری زانگ بیت۔ بلوچ راجی آجوئی سنگر (براس) اے درسیں مردماں کڈن کنت کہ آ زوت وتی اے کار ءَ بند بہ کن اَنت۔
آئی گوشتگ کہ زورگریں پوج ءَ راشن دیوکیں مردماں گوشگ لوٹ ایں کہ اگاں آیاں وتی اے کار بند نہ کرت گڑا آیوکیں وھد ءَ مئے اُرش ترند بنت ءُ ایشی آسر ءَ آ وتی جانی ی مالی تاوان ءِ زمہ واری وت بنت۔
بلوچ ھان ءَ اُرشانی زمہ واری من اِتگ ءُ گوشتگ کہ زورگریں پاکستانی پوج ءُ آئی شوربندیانی سر ءَ مئے اُرش گوں ترندی ءَ برجاہ بنت۔