پاکستانی رینجرءُ سند پولیس ءَ چہ کراچی ءَ دو آجوئی لوٹوکیں مردمانی دزگیر کنگ ءِ ٹاپار جتگ۔
آیانی نیمگءَ گوشگ بیتگ کہ یک ھواریں کاروائی یے ءَ چہ کاسم ٹاون ءَ یک آجوئی لوٹوکیں گلے ءِ دو شکی ئیں مردم دزگیر کرتگ۔
آئی ءِ گوشگ اِنت کہ اتا اللہ شار ءِ چیریں ھالے ءِ رسگ ءَ کاروائی کرتگ ءُ زاھد الی مگسی ءُ ابدلگپور دزگیر کرتگ اَنت۔ چہ آیاں یک پونے ھم دست کپتگ۔
رینجرءِ گوشگ اِنت کہ دزگیر بیتگیں مردم 27اپریل ءُ 22 جون ءَ کاٹھور ءِ نزیک ءَ دگ ءَ زھرشانی کنگ ءِ میان ءَ پولیس ءِ گاڑی مانداشتگ۔
آئی ءَ گوشتگ کہ اے میاربارانی شش ھمبل پیسر ءَ ھم ھمےوڑیں کاروائیاں دزگیر کنگ بیتگ اَنت، میاربار پہ گیشتریں کاروائی ءَ پولیس ءِ دست ءَ دیگ بیتگ اَنت۔
