آواران ءِ ھند کولواہ ءِ زربار ءَ پاکستانی پوج ءُ کشندہ ٹولی ءِ کارمندانی نیمگ ءَ لشکرکشی ءُ زوراکی برجاہ اِنت۔
زرمبش جھگیر ءِ رد ءَ مرچی پاکستانی پوج ءُ کشندہ ٹولیءِ کارمند چہ آواران بزداد ءِ کور ءَ درکپتگ اَنت ءُ کولواہ ءِ زربار ءَ کلی، کرکین ئیں کڈ، گشانگ، گندہ جاھی ءُ کِر ءُ کشانی میتگاں بیڑ برتگ ءُ گوں مردماں زوراکی کنگءَ کنگ ءَ اَنت۔
ھندی بنشونءِ رد ءَ پاکستانی پوجءُ کشندہ ٹولی ءِ کارمندانی کاروان ءِ بیست ءَ موٹر سائیکل بیتگ اَنت۔ پوج گسانی پٹ ءُ پول کنگ ءِ ھواری ءَ گوں مردماں زوراکی کنگ ءَ اِنت۔ انگت ءَ دگہ آوار جنی ءِ ھال نیست اے بابت ءَ مئے گیشیں جست ءُ پرس برجاہ اِنت۔
