بلوچ اسٹوڈنٹس آرگنائزیشن (بی ایس او) ءِ جارکش ءَ وتی شنگ کرتگیں درشانے ءَ گوشتگ کہ مستونگ ھنکین ءِ کلانھیں باسک گلام الی ءِ زوربیگواھی ءَ ماھے سرجم بوتگ بلے انگت آ دیم ءَ آرگ نہ بوتگ۔
آئی چہ سرکار ءَ لوٹ کرتگ کہ گلام الی ءَ ھوار درسیں بیگواھیں مردم زوت آجو کنگ بہ بنت ءُ آیانی کھولاں انساپ دیگ بہ بیت۔
جارکش ءَ گوشتگ کہ زوریں بیگواھی انسانی ھکانی بگیری اِنت ایشی ھلاس کنگ ھژدری اِنت۔
آئی ءَ گوشتگ کہ بی ایس او چہ ڈیھ ءِ انسانی ھکانی ادارہ ءُ سول سوسائٹی ءَ لوٹ کنت کہ آ بیگواھیں مردمانی جیڑہءِ سر ءَ توار چست بہ کن اَنت ءُ ریاست ءَ زمہ واریانی مارشت ءَ بدے اَنت۔
