اسلام آباد بلوچ یکجھتی کمیٹی ءِ دزگیر بیتگیں سروک ءُ زور بیگواھیں مردمانی کھولانی نیمگ ءَ زھرشانی ھشتمی روچ ءَ برجاہ اِنت۔ زھرشانی کنوکیں مردماں بی وائی سی ءِ بندیگیں سروک ءُ زور بیگواھیں مردمانی اکس ،بینر ءُ پلے کار ڈ گوں بیتگ۔
زھرشانیءِ ھشمتی روچ ءَ گوں زھرشانی کنوکیں مردماں اسلام آباد پولیس ءِ زوراکی برجاہ بیتگ۔ زھرشانی کنوکیں مردماں ریاستی زوراکی ءُ بی وائی سی ءِ سروک ءُ زور بیگواھیں مردمانی آجوئی ءِ بابت ءَ اوگام جتگ۔
زھرشانی کنوکیں مردمانی گوشگ اِنت کہ اسلام آباد ءَ بلوچ زھرشانی کنوکاںھشت روچ سرجم بیتگ بلے بژنی گپ ایش اِنت کہ چہ اسلام آباد انتزامیہءِ نیمگ ءَ گوں زھرشانی کنوکیں بلوچ پیرزالیں مات ءُ زھگاں زوراکی برجاہ اِنت۔
آیاں گوشتگ کہ اے زوراکی نہ تھنا در راھبندی اِنت بلکیں انسانی ھکانی بگیری اِنت۔ سرکارءَ پہ مئے لوٹانی منگءَ سنگین بوگی اِنت دانکہ مئے لوٹ منگ نہ بیتگ اَنت ما وتی زھرشانی ءَ برجاہ دار ایں۔
