کیچ| آواران: پاکستانی پوج ءُ آئی جوڑ کرتگیں کشندہ ٹولی ءِ کارمنداں دو مردم آوار جتگ ءُ بیگواہ کرتگ۔
زرمبش جھگیر ءِ رد ءَ چہ تربت ءَ بیگواھیں مردم ءِ نام وارس بلوچ ء اھمد اِنت کہ تگران آباد ءِ جاہ منند اِنت، دوشی پاکستانی پوج ءَ بازیں کچے ءَ گس ءَ بیڑ برتگ ءُ گوں مردماں زوراکی کنگ ءَ پد آوار جتگ ءُ گوں وت برتگ۔
بیگواھیں وارس ءِ کھول ءَ آئی زوریں بیگواھی ءِ گپ راست کرتگ ءُ چہ انسانی ھکانی گلاں پہ آئی آجوئی ءَ توار چست کنگ ءِ لوٹ کرتگ۔
ھمے وڑ ءَ چہ جاھو ءَ پاکستانی پوج ءِ جوڑ کرتگیں کشندہ ٹولی ءِ کارمنداں رزا مھمد ء رھمت نامیں مردمے آوار جتگ ءُ بیگواہ کرتگ۔
بیگواھیں رزا مھمد جھل جاھو ءِ میتگ سامی ءِ جاہ منند اِنت کہ کشندہ ٹولی ءِ کارمنداں 15 جولائی 2025 ءَ آوار جتگ ءُ بیگواہ کرتگ۔
