بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که دہ جولائی ءَ شپ ءِ ھپت ءَ سرمچاراں تمپ ءِ ھند ملک آباد ءَ پوج ءِ نوک جوڑ بوکیں چوکی ءِ سر ءَ اُرش کرتگ ءُ مانداشتگ ، ھمے میان ءَ وھدے که پوج ءَ سرمچارانی نیمگ ءَ دیم ءَ آهگ ءِ جھد کرتگ سنگر گپتگیں سرمچاراں آیانی سر ءَ پسّھی اُرش کرتگ ءُ دو کارمند کشتگ ، چه ایشی ءَ پد پوج پد کنز بوگ ءَ لاچار بیتگ۔
آئی ءَ گوشتگ که یازده جولائی ءَ زامران ءَ سرمچاراں یکیں وھد ءَ دو جتائیں ھنداں اُرش کرتگ ، ساری ءَ نیمروچ ءِ دوازده ءَ زامران ءِ ھند پگنزان ءَ گوں ٹوھیں سلاھاں پاکستانی پوج ءِ برجاھیں چوکی ءِ سر ءَ اُرش کرتگ ءُ ھمے وڑ ءَ دومی اُرش آروسیں ڈن ءَ اسنائپر ٹیم ءَ کرتگ که ایشی آسر ءَ یک کارمندے مرتگ۔
جارکش ءَ گوشتگ که دوازده جولائی ءَ شپ ءِ ھشت ءَ نوشکے ءِ ھند زرین جنگل ءَ ایپ سی ءِ برجاھیں بنجل ءِ نشانگ کرتگ ، سرمچارانی یک ٹولی یے ءَ گوں اسنائیپر ءُ نوکیں سلاھاں تیرگواری کرتگ ، ھمے وڑ ءَ دومی ٹولی ءَ گوں راکٹ ءُ وتکاریں سلاھاں اُرش کرتگ که ایشی ءِ آسر ءَ سے کارمند مرتگ ءُ دو ٹپی بیتگ۔
آئی ءَ گوشتگ که ھمے وھد ءَ سرمچاراں پوج ءِ کمکی کاروان ءِ سر ءَ ھم سنگر گپتگ ءُ اُرش کرتگ ، که ایشی ءِ آسر ءَ دگه سے کارمند مرتگ ءُ چار ٹپی بیتگ ، اُرش ءَ پد دژمنیں پوج پدکنز بیتگ ءُ سرمچار په سلامتی وتی بندراں سر بیتگ اَنت۔
جارکش ءَ گوشتگ که دوازده جولائی ءَ شپ ءِ ادار نوھ ءَ مشکے ءَ پوج ءِ مزنیں بنجل ءِ سر ءَ سرمچاراں بازیں کچے ءَ راکٹ آس داتگ ءُ گوں ٹوھیں سلاھاں داں بیست دمان ءَ اُرش کرتگ ، ایشی آسر ءَ پوج ءَ جانی ءُ مالی تاوان بیتگ۔
میجر گھرام بلوچ ءَ درشان ءِ گڈی ءَ اے کاروائیانی زمه واری من اتگ ءُ گوشتگ که داں بلوچستان ءِ آجوئی ءَ زورگریں پوج ءِ سر ءَ وتی اُرشانی گوں ترندی ءَ برجاه دارگ ءِ کول ءَ کن ایں۔
