بلوچستان لبریشن پرنٹ ءِ جارکش میجر گھرام بلوچ ءَ گوشتگ کہ بی ایل ایپ ءِ سرمچاراں ھشت جولائی ءِ نیمروچ ءِ ادار یک ءَ جاھو ءِ ھند نونڈرہ ازیم بازار ءَ سنگر گپتگ ءُ پاکستانی پوج ءِ کاروان ءِ سر ءَ اُرش کرتگ۔ پاکستانی پوج ءِ کاروان ءِ دو گاڑی ءُ پرپٹ بوتگ اَنت کہ آ چہ نوندڑہ کُچ ءِ چوکی ءَ درکپتگ ءُ بریت ءَ روگ ءَ بوتگ۔
آئی گوشتگ کہ سرمچار پیسر ءَ سنگر ءَ نندوک بوتگ اَنت انچوش کہ پوج ءِ کاروان نزیک ءَ آتکگ بی ایل ایپ ءِ سرمچاراں گوں نوکین ءُ ٹوھیں سلاھاں اُرش کرتگ۔ چہ ایشی ءَ پاکستانی پوج ءِ لھتیں کارمند مرتگ ءُ ٹپی بوتگ۔ سرمچاراں داں سی دمان ءَ پوج ءِ کاروان انگر کرتگ ءُ تیرگواری برجاہ داشتگ۔
آئی گوشتگ کہ سرمچارانی انگر ءَ کپتگیں پوجی کارمندانی کمک ءَ پوج ءِ بکتر بند گاڑی ءُ پرپٹ سواریں کارمند آتکگ اَنت کہ پیسر ءَ سنگر گپتگیں سرمچاراں نشانگ کرتگ اَنت ۔ چہ ایشی ءَ ھشت کارمند مرتگ ءُ باز ٹپی بوتگ۔ سرمچاراں کاروائی ءِ سرجم کنگ ءَ پد چیرجنگی ءِ شوربندی کارمرز کرتگ ءُگوں سوبمندی ءَ چہ ھند ءَ درکپگ ءَ سوبین بیتگ اَنت۔
جارکش ءَ گوشتگ کہ اے اُرش ءِ تامربند زوت چہ بی ایل ایپ ءِ رسانکدری چینل آشوب ءَ شنگ کنگ بیت۔
میجر گھرام ءَ اُرش ءِ زمہ واری من اِتگ ءُ گوشتگ کہ داں بلوچستان ءِ آجوئی ءَ پاکستانی پوج ءُآئی شوربندیاں نشانگ کن ایں۔
