کراچی: بلوچ یکجھتی کمیٹی ءِ نیمگ ءَ زیشان زھیر ءِ ناھکیں کوش ءِ بگیری ءَ بیوکیں زھرشانی ءِ سر ءَ پولیس ءَ اُرش کرتگ ءُ زوراکی کرتگ۔
زرمبش جھگیر ءِ رد ءَ سند پولیس ءَ کراچی ءِ ھند ھشت راہ ءَ زھرشانی کنوکانی سر ءَ بیڑ برتگ ءُ مردم لٹ کٹ کرتگ اَنت ءُ بی وائی سی ءِ سروک آمنہ بلوچ ءَ ھوار چار مردم دزگیر کنگ ءَ پد زندان ءَ برتگ اَنت۔
چوش کہ چہ ایشی ءَ پیش ھم کراچی ءَ سند پولیس ءَ باز بر ءَ بی وائی سی ءِ زھرشانیانی سر ءَ بیڑ برتگ ءُ بی وائی سی ءِ سروک لٹ ءُ کٹ کنگ ءَ پد دزگیر کرتگ ءُ زندانی کرتگ اَنت۔
