بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچارانی شھیدی ءَ ھواریں دو ریاستی چاریگ مرگ ءِ سزا داتگ ءُ کشتگ اَنت۔
آئی ءَ گوشتگ که بی ایل اے ءِ سرمچاراں چه بولان ، مچ ءَ پاکستانی پوج ءِ دو چاریگ ، جمال ھان ء تور گل جاه منند مچ ءُ ارزی ء سھراب چاگله سمالانی جاه منند سانگان دزگیر کرتگ اَنت ، جست ءُ پرس ءِ میان ءَ چریکاں من اتگ که آیاں زر ءِ لالچ ءَ په پاکستانی پوج ءَ کار کرتگ۔
جارکش ءَ گوشتگ که چریکاں من اتگ که آ مالدار ءِ دروشم ءَ مچ ءِ ھند ءَ سرمچارانی تر ءُ گرد ءِ سر ءَ چم سک داتگ اَنت ءُ آیانی راه پاکستانی پوج ءَ را پیش داشتگ اَنت۔
آئی ءَ گوشتگ که چریکاں جست ءُ پرس ءِ میان ءَ من اتگ که گوستگیں ماه ءَ مچ ءِ ھند گونی پرا ءَ بی ایل اے ءِ سرمچارانی تر ءُ گرد ءِ ھال زورگریں پاکستانی پوج ءَ داتگ ءُ چه ایشی ءَ پد زورگریں پوج کمک کرتگ ءُ داں ھمے ھند ءَ سر کرتگ که اے میڑاں بی ایل اے ءِ پنچ سرمچار شھید بیتگ۔
جیھند بلوچ ءَ درشان ءِ گڈی ءَ گوشتگ که بلوچ راجی آمیدگس ءَ راجدروھی ءِ سوب ءَ جمال ھان ءُ ارزی ء مرگ ءِ سزا داتگ که سرمچاراں دوئین کشتگ اَنت۔
