بلوچ لبریشن آرمی ( بی ایل اے ) ءِ جارکش ءَ گوشتگ که ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں بارکان ءَ ایم آئی ءِ دزگیر کرتگیں چاریگ میارانی منگ ءَ پد بلوچ راجی آمیدگس ءِ پرمان ءَ آئی ءَ مرگ ءِ سزا داتگ ءُ کشتگ۔
آئی ءَ گوشتگ که سرمچاراں گوستگیں روچاں رسول بکش بلوانی کھیتران جاه منند بگاؤ دزگیر کرتگ ، جست ءُ پرس ءِ وھد ءَ آئی ءَ من اتگ که آ 2015 ءَ کاسم شاه ء سردار ابدالرھمان کھیتران ءِ پارست ءَ ایم آئی ءِ میجر ممتاز ءِ دیم ءَ لگور بیتگ ءُ چه ھما وھد ءَ چاریگی کنگ ءَ بیتگ ، 2023 ءَ ھزار ھان پتوانی مری ءِ پرمان ءَ الی مری ء وڈیره موزان مری ءِ ھمرائی ءَ میجر سمد ھان ءِ گون ءَ آئی ءَ گِند ءُ نند کرتگ ءُ چاریگی ءِ کار آئی ءَ دیگ بیتگ۔
جارکش ءَ گوشتگ که کشگ بیتگیں چاریگ ءَ اے ھم من اتگ که آئی ءَ هر روچ ھال په کاسم شاه ءَ سر کرتگ اَنت ، رسول بکش دکاندارے بیتگ ءُ آئی ءَ زِدّ ءِ بنیاد ءَ گنی نامیں دکاندارے پاکستانی پوج ءِ دست ءَ زوربیگواه کنائینتگ ، ھمے وڑ ءَ رسول بکش ءِ برات ابدالرھمان ءَ گنی ءِ برات زھگ نسیب الله زوربیگواه کنائینتگ۔
آئی ءَ گوشتگ که رسول بکش ءَ دیمتر ءَ من اتگ که یک سالے پیش آئی ءَ گلام مھمد ء سونا ھان بزدار ءُ آئی ءِ ھمرائیں دگه دو بزدار بلوچ ءِ چاریگی کرتگ که ایشی آسر ءَ پاکستانی پوج ءَ آ زوریبگواه کرتگ اَنت ، اے چاریگی ءِ ھال ھیرمھمد ء مھمد بکش بلوانی ءَ داتگ اَنت ، ایشی ءَ پد چه بیگواه کنگ بیتگیں مردماں یکے ءِ لاش دزکپتگ۔
جارکش ءَ گوشتگ که چاریگ ءَ ناڑی اکبر لوھارانی مری بارکان ءَ دیستگ ءُ کاسم شاه ءِ سر ءَ پون کرتگ ءُ ھال داتگ ، پد ءَ زورگریں پاکستانی پوج ءَ ناڑی اکبر زوربیگواه کرتگ ، چاریگ ءَ دیمتر ءَ من اتگ که آئی ءَ کاسم شاه کڈن کرتگ که اگاں ناڑی اکبر یل کنگ بیت آئی ءِ رازاں پاشک کنت ، چیزے روچ ءَ پد اکبر ءِ لاش ماں ویرانگے ءَ دزکپتگ۔
آئی ءَ گوشتگ که کشگ بیتگیں چاریگ ءِ زھگ ءَ سرمچارانی اوتاگ پاکستانی پوج ءَ پیش داشتگ که پاکستانی پوج ءَ گوں ڈرون ءَ اوتاگ ءِ سر ءَ گولا آس داتگ بلے سرمچار اُرش ءَ پیسر چه اوتاگ درکپتگ اَنت ، آئی ءَ گوشتگ وھدے که آئی ءَ ھال رستگ که سرمچار ٹھینگار ءَ گندگ بیتگ اَنت آئی ءَ کاسم شاه ءِ سر ءَ پون کرتگ ،چه ایشی ءَ دومی روچ ءَ ڈرون ھمے دمگ ءَ سر بیتگ بلے اُرش کنگ نه بیتگ۔
جارکش ءَ گوشتگ که چاریگ ءَ اے ھم من اتگ آ چه رکنی ءَ گلدین سدرانی ، تاج مھمد ءُ تور ھان ءِ زوربیگواھی ءَ هوار بیتگ۔
آئی ءَ گوشتگ که چاریگ رسول بکش ءَ دیمتر ءَ گوشتگ که کاسم شاه ءَ گوں آئی ءَ پون کرتگ ءُ گوشتگ که گوزو ءَ بیا ءُ په بیڑ برگ ءَ پاکستانی پوج ءِ ھمراه بو ، آ سردار ابدالرھمان ءِ گس ءَ سر بیتگ ءُ پاکستانی پوج ءِ پوشاک آئی ءَ دیگ بیتگ چه ایشی ءَ پوج ءِ ھمرائی ءَ گوزو ءَ شتگ ، اود ءَ دو مردم اسلم ء لال مھمد سدرانی ءُ سھبت ھان ء مھمد جان سدرانی دزگیر کرتگ اَنت ، آئی ءَ مراد الی ء یار مھمد شاھوانی ءِ زوربیگواه کنائینگ ھم من اتگ ءُ ھمے روچ ءَ هم آئی ءَ پاگستانی پوج ءِ پوشاک گور ءَ بیتگ اَنت۔
جیھند بلوچ ءَ درشان ءِ گڈی ءَ گوشتگ که اے درسیں میارانی سوب ءَ بلوچ راجی آمیدگس ءَ ایم آئی ءِ ایجنٹ ءُ چاریگ رسول بکش بلوانی راجدروھی ءِ میار ءَ مرگ ءِ سزا داتگ که سرمچاراں ایشی سر ءَ کار کرتگ ءُ آ کشتگ۔
