گوادر: سربندن ءِ میتگ لیبرکالونی ءُ گراب ءَ لین ءِ نیستی ءِ بگیری ءَ مردماں زھرشانی ءَ دگ بند کرتگ۔ زھرشانی ءَ جنین ءُ زھگاں بازیں کچے ءَ بھر زرتگ۔ دگ ءِ بند بوگ ءِ سوب ءَ دوئیں نیمگاں بازیں کچے ءَ گاڑی اوشتوک بوتگ اَنت۔
آیاں تران کرتگ ءُ گوشتگ کہ سربندن ءِ گراب ءُ لیبر کالونی ءَ ھوراں پد پنچ روچ اِنت کہ لین نیست مردم سکا جنجالانی دیمپان اَنت۔ اد ءِ ایم پی ءِ ملا ھدایت الرھمان اِنت آئی ءَ سدے پرنیست۔ کساں کسانیں زھگ نادراھیانی آماچ اَنت۔
آیانی گوشگ اِنت ما ھال داتگ اَنت بیا اِنت مئے لیناں شر بہ کن اِت پہ مئے لینانی شرکنگ ءَ کس ءَ گامگیج نہ زرتگ ھمے گوشتگ مرچی باندا ما پمیشکا ما لاچاسر بوتگ ایں ءُ زھرشانی کنگ ءَ ایں۔ مئے لین انوں شرکنگ بہ بنت ما پادکائیں۔
