بلوچ لبریشن آرمی (بی ایل اے) ءِ جارکش جیھند بلوچ ءَ گوشتگ کہ بی ایل اے ءِ سرمچاراں شال ءُ مستونگ ءَ پاکستانی پوج ءُ راج ءِ مڈیانی لٹ ءُ پل کنوکیں شرکتانی گاڑی نشانگ کرتگ اَنت۔
آئی گشتگ کہ گوستگیں شپ ءَ سرمچاراں شال ءِ ھند ھزارگنجی ءَ پاکستانی پوج ءِ چوکی ءِ سر ءَ دستی بمب اُرشے کرتگ۔ چہ ایشی آسر ءَ زورگریں پوج ءَ جانی ءُ مالی تاوان بوتگ۔
جارکش ءَ گوشتگ کہ مرچی مستونگ ءَ سرمچاراں راجی مڈیانی لٹ ءُ پل کنگ ءَ ھواریں شرکتانی پنچ گاڑی نشانگ کرتگ اَنت۔ اُرش ءِ وھد ءَ پہ ریکوڈک شوربندی ءَ سامان بروکیں سَے گاڑی بلوچستان ھوٹل ءِ نزیک ءَ مزنیں شھدگ ءِ سر ءَ مانداشتگ ءُ تباہ کرتگ اَنت۔ ھمے وڑ ءَ سیندک پروجیکٹ ءِ یک گاڑی یے ءُ نوشکے ءَ اسٹیل ملز ءَ سامان بروکیں یک دگہ گاڑی یے رھمان ھوٹل ءُ کوہ نور ھوٹل ءِ نزیک ءَ نشانگ کرتگ ءُ تباہ کرتگ۔
آئی گوشتگ کہ گوستگیں روچ ءَ ما وتی درشان ءِ تہ ءَ گوشتگ اَت کہ اے وڑیں شوربندیاں ھواریں مردم زوت دزکش بہ بنت۔ اگاں نا گڑا وتی جانی ءُ مالی تاوان ءِ زمہ واری وت بہ بنت۔ بلوچ ءِ مڈیانی لٹ ءُ پل ءِ موکل کس ءَ دیگ نہ بیت ءُ دیم ءَ مئے اُرش گیش ترند بنت۔
جارکش جیھند بلوچ ءَ درشان ءِ گڈی ءَ اُرشانی زمہ واری من اِتگ۔
